ಪೊಂಪೈ ವಾಡ್ಯಾ ಪೆಸ್ತಾಚೆಂ ಆಚರಣ್

ವರ್ಧಿ : ರೊನಾಲ್ಡ್ ಎ. ಸೆರಾವೋ

ತಸ್ವೀರ್: ಶೊನ್ವಿಲ್ ಮೆಂಡೋನ್ಸಾ

ತಾ. 27.10.2024 ವೆರ್ ಆಯ್ತಾರಾ ದಿಸಾ ಪೊಂಪಯ್ ವಾಡ್ಯಾ ಪೆಸ್ತಾ ಸಂದರ್ಭಿಂ ಪೊಂಪಯ್ ವಾಡ್ಯಾಗಾರಾನಿಂ ಲಿತುರ್ಜಿ ಚಲವ್ನ್ ವರುನ್ ಪವಿತ್ರ್ ಮಿಸಾಚೆಂ ಬಲಿದಾನ್ ಬೆಟಯ್ಲೆಂ.

ಉಪ್ರಾಂತ್ ಪೆಸ್ತಾಚೆಂ ಆಚರಣ್, ಪ್ರಾನ್ಸಿಸ್ ಸಿಲ್ವಿಯಾ ಟೆಲ್ಲಿಸ್ ಮಾಸ್ತಿಕಟ್ಟೆ, ಹಾಂಚ್ಯಾ ನಿವಾಸಾಂತ್ ದನ್ಪಾರಾಂ 12 : 00 ವರಾರ್ ಆರಂಭ್ ಜಾಲೆಂ. ಹ್ಯಾ ಪೆಸ್ತಾಕ್ ಮಾನಾಚೆ ಸಯ್ರೆ ಜಾವ್ನ್ ಪಿರ್ಗಜ್ ವಿಗಾರ್ ಬೊ|ಮಾ|ಬಾ| ಒನಿಲ್ ಡಿ ಸೋಜಾ, ಪಿ.ಗೊ.ಪ.ಉ. ಮಾನೇಸ್ತ್ ವಿನ್ಸೆಂಟ್ ಡಿ‌ಸೋಜಾ, ಕಾರ್ಯದರ್ಶಿ ನೊರ್ಬರ್ಟ್ ಮಾರ್ಟಿಸ್, 21 ಅಯೋಗಾಂಚಿ ಸಂಯೋಜಕಿ ಮಾನೇಸ್ತೀಣ್ ಸೆಲಿನ್ ಪಿಂಟೊ, ಲಾನ್ ಕ್ರಿಸ್ತಾಂವ್ ಸಮುದಾಯ್ ಸಂಚಾಲಕಿ ಮಾನೇಸ್ತೀಣ್ ತೆರೆಜಾ‌ ಕಾರ್ಡೋಜಾ, ವಾಡ್ಯಾಂಚೆ ಗುರ್ಕಾರ್/ರ್ನಿ, ವಿವಿಧ್ ಸಂಘ್‌ ಸಂಸ್ಥ್ಯಾಂಚೆ ಅದ್ಯಕ್ಷ್ ಹಾಜರ್ ಅಸೊನ್ ವಾಡ್ಯಾ ಪೆಸ್ತಾಕ್ ವರ್ತಿ ಸೊಬಾಯ್ ದಿಲಿ.

ಸುರ್ವೆರ್ ಗುರ್ಕಾರ್ ಅನಿಂ ವಾಡ್ಯಾ ಸಮಿತಿ ಸವೆಂ, ಪಿರ್ಗಜ್ ವಿಗಾರಾ ಸಾಂಗಾತಾ, ಪವಿತ್ರ್ ಪುಸ್ತಕಾಕ್ ಮಾನ್ ಕರುನ್, ಭುರ್ಗ್ಯಾನಿಂ ನ್ರತ್ಯಾ ದ್ವಾರಿಂ ಮರಿಯೆಕ್ ಹೊಗ್ಳಾಪ್ ಪಾಟಯ್ಲೊ.

ಮಾನೇಸ್ತೀಣ್ ಶಾಂತಿ ಮೆಂಡೋನ್ಸಾ ಅನಿಂ ಪಂಗ್ಡಾನ್ ಮಾಗ್ಣ್ಯಾ ವಿಧಿ ಚಲವ್ನ್ ವೆಲಿ. ಸರ್ವಾಂಕ್ ಗುರ್ಕಾರಾನ್ ಸ್ವಾಗತ್ ಕರುನ್, ಕಾರ್ಯದರ್ಶಿನ್ ವಾಡ್ಯಾಚಿ‌ ಸಂಕ್ಷಿಪ್ತ್ ವಾರ್ಷಿಕ್ ವರ್ಧಿ ಸಭೆಕ್‌ ದವರ್ಲಿ.

SSLC ಆನಿಂ PUC 2023 - 24 ವ್ಯಾ ವರ್ಸಾಂತ್ ಉತ್ತೀರ್ಣ್ ಜಾಲೆಲ್ಯಾ ಭುರ್ಗ್ಯಾಂಕ್ ಬಹುಮಾನ್‌ ದಿವುನ್ ತಾಂಚ್ಯಾ ಮುಕ್ಲ್ಯಾ‌ ಶಿಕ್ಪಾಕ್ ಬೊರೆಂ ಮಾಗ್ಲೆಂ. ಮೊಂತಿ ಪೆಸ್ತ್ ಆಚರಣಾ ವೆಳಾ‌ ಖೆಳಾಂತ್ ಜಿಕ್ ಲ್ಲ್ಯಾಂಕ್ ಇನಾಮಾಂ, ವಾಡ್ಯಾಂತ್ ಜಮಾತೆಕ್ 100% ಹಾಜರಿ ಅಸ್ಲೆಲ್ಯಾ ಕುಟ್ಮಾಂಕ್ ಬಹುಮಾನ್‌, ಇತರ್ ಸಂಘಟನಾಂ ಥಾವ್ನ್ ಪುರಸ್ಕಾರ್ ಜೊಡ್ಲೆಲ್ಯಾಂಕ್ ಬಹುಮಾನ್, ಪವಿತ್ರ್ ಪುಸ್ತಕಾ ವಿಶಿಂ ಸವಾಲಾಂ ಜಾಪಿ ಅಶೆಂ ಭಾಗ್ ಘೆತ್ಲೆಲ್ಯಾಂಕ್ ಬಹುಮಾನಾಂ ದಿಲಿಂ.

ಉಪ್ರಾಂತ್ ಮಾಸ್ತಿಕಟ್ಟೆ ಪರಿಸರಾಂತ್ ಮೆಸ್ಕೊಮ್ ಇಲಾಖಾಚೊ ಲೈನ್ ಮೆನ್ ಜಾವ್ನ್ ಸೆವಾ ದೀವ್ನ್ ಆಸಾ ಶ್ರೀ ಪಪ್ಪು ಕುಮಾರ್, ತಾಣೆಂ ದಿಂವ್ಚಿ‌ ಬೊರಿ ಸೆವಾ ಮಾನುನ್ ಘೆವ್ನ್ ತಾಕಾ ಸಮ್ಮಾನ್ ಕೆಲೊ.

ವಿಗಾರ್ ಬಾಪಾನಿಂ ಅಪ್ಲ್ಯಾ ಸಂದೇಶಾಂತ್ ಮರಿ ಮಾಯೆಚಿ ದೇಖಿ ಬರಿ ಜಿಣಿ ಅಮ್ಕಾಂ ಪ್ರೇರಣ್ ಜಾಂವ್ಚ್ಯಾಕ್ ವಿವರ್ ದಿಲೊ. ಸಾಂಸ್ಕ್ರತಿಕ್ ಕಾರ್ಯಾ ಸವೆಂ, ಪ್ರತಿನಿಧಿ ಲಿಡಿಯಾ ಡಿ‌ಸೋಜಾ ಹಾಣೆಂ ದನ್ಯವಾದ್ ಪಾಟವ್ನ್, ಜೆವ್ಣಾ ಸವೆಂ ವಾಡ್ಯಾ ಪೆಸ್ತಾಚೊ ಸಂಭ್ರಮ್ ಸಂಪಯ್ಲೊ.

ರುಬೆನ್ ಸೆರಾವೊನ್ ಕಾರ್ಯೆಂ ಚಲವ್ನ್ ವೆಲೆಂ