ವೆಲಂಕಣಿ ವಾಡ್ಯಾ ಫೆಸ್ತಾಚಿ ವದಿ೯

ವರ್ದಿ : ಶ್ರೀಮತಿ ಅನಿತಾ ಸಿಕ್ವೇರಾ
ತಸ್ವಿರ್: ಶ್ರಿಮಾನ್ ಪಿಯೂಸ್

ಸಪ್ಟೆಂಬರ್ 15 -2024 ವೆರ್ ವೆಲಂಕಣಿ ವಾಡ್ಯಾಗಾರಾಂನಿ ಸಾಂಗತ ಮೆಳೊನ್ ವಾಡ್ಯಾ ಫೆಸ್ತ್ ಆಚರಣ್ ಕೆಲೆ೦. ಸಕಾಳಿಂಚ್ಯಾ 7.30 ವರಾಂಚ್ಯಾ ಮಿಸಾರ್ ವಾಡ್ಯಾಗಾರಾಂನಿ ಭಾಗ್ ಘೆವ್ನ್ ಲಿತುರ್ಜಿ ಚಲವ್ನ್ ವೆಲಿ.

ದನ್ಪಾರ 12.00 ವರಾರ್ ಶ್ರೀ ಕ್ರಿಸ್ ಪ್ರೆಸಿಲ್ಲಾ ಡಿಸೋಜಾ ಘರಾಂತ್ ಪೆಸ್ತಾಚ್ಯಾ ಅಚರಣಚಿ ಸುವಾ೯ತ್ ಕೆಲಿ. ಘರ್ಚೊ ವಡಿಲ್ ಶ್ರೀ ಕ್ರಿಸ್ ಡಿಸೋಜಾ ಅನಿಂ ಗುರ್ಕಾರ್ ಗೊಲ್ಡಿನ್ ಡಿ ಅಲ್ಮೇಡಾ ಹಾಂಚ್ಯಾ ಮುಕೆಲ್ಪಾಣಖಾಲ್ ಪವಿತ್ರ್ ಪುಸ್ತಕಾಕ್ ತಶೆಂ ವೆಲಂಕಣಿ ಮಾಯೆಕ್ ಮಾನ್ ಕೆಲೊ. ಶ್ರೀಮತಿ ಹಿಲ್ಡಾ ಸಿಕ್ವೇರಾ ಅನಿಂ ಪಂಗ್ಡಾನ್ ಮಾಗ್ಣ್ಯಾ ವಿಧಿ ಚಲವ್ನ್ ವೆಲಿ.

ಹ್ಯಾ ಕಾಯಾ೯ಕ್ ಅಮ್ಚೆ ಫಿಗ೯ಜ್ ವಿಗಾರ್ ಬಾಪ್ ಒನಿಲ್ ಡಿಸೋಜಾ, ಪಿರ್ಗಜ್ ಗೊವ್ಳಿಕ್ ಪರಿಷದ್ ಚೆ ಉಪಾಧ್ಯಾಕ್ಷ್, ಕಾರ್ಯಾದರ್ಶಿ, 21 ಆಯೊಗಾಚಿ ಸಂಚಾಲಕಿ, ಲಾನ್ ಕ್ರಿಸ್ತಾಂವ್ ಸಮುದಾಯಚಿ ಕೆಂದ್ರಿಕ್ ಸಮಿತಿಚಿ ಸಂಚಾಲಕಿ, ಕಾರ್ಮೆಲ್ ತಶೆಂ ಮೊನಿ೯ಂಗ್ ಸ್ಟಾರ್ ಕೊವೆಂತಾಚಿ ಧರ್ಮ್ ಭಯ್ಣಿ, ಪಿರ್ಗಜಿಚ್ಯಾ 12 ವಾಡ್ಯಾಂಚೆ ಗುರ್ಕಾರ್ ತಶೆಂ ಪ್ರತಿನಿಧಿ ಅನಿ ಅಮ್ಚಿ0 ವಾಡ್ಯಾಗಾರಾಂ ಹಾಜರ್ ಆಸ್ ಲ್ಲಿಂ.

ಸರ್ವಾಂಕ್‌ ಜೇನ್ ಮಸ್ಕರೇನ್ಹಸ್, ರೈನಾ ಅನಿ ರೆನಿಶಾ ಡಿಸೋಜಾನ್ ಸ್ವಾಗತ್ ನ್ರತ್ಯಾ ದ್ವಾರಿ೦ ಶುಭಾಶಾಯ್ ಪಾಟಯ್ಲೆ.ಗುಕಾ೯ರ್ ಗೋಲ್ಡಿನ್ ಡಿ. ಅಲ್ಮೇಡಾ ನ್. ಹಾಜರ್ ಆಸ್ಲ್ಲ್ಯಾ ಸ ರ್ವ್ ಸರ್ಯಾಂಕ್ ಅನಿಂ ವಾಡ್ಯಾಗಾರಾಂಕ್ ಬೊರೊ ಯೆವ್ಕಾರ್ ಮಾಗ್ಲೊ. ವೆದಿರ್ ಅಸ್ಲ್ಯಾ ಮಾನಾಚ್ಯಾ ಸರ್ಯಾಂಕ್ ಅನಿಂ ಗುರ್ಕಾರಾಂಕ್ ಗುಲೊಬ್ ದೀವ್ನ್ ಸ್ವಾಗತ್ ಕೆಲೊ.

ಅಮ್ಚ್ಯಾ ವಾಡ್ಯಾಚಿ ಕಾರ್ಯದರ್ಶಿ ಶ್ರೀಮತಿ ಲವೀನಾ ಡಿ ಅಲ್ಮೇಡಾ ಹಿಣೆ ವಾರ್ಷಿಕ್ ವರ್ದಿ ಪ್ರಸ್ತುತ್ ಕೆಲಿ. ಅಮ್ಚ್ಯಾ ವಾಡ್ಯಾಂತ್ ಪಾಟ್ಲ್ಯಾ 10 ವರ್ಸಾ೦ ಥಾವ್ನ್ ಗುರ್ಕಾರ್ ಜಾವ್ನ್ ಸೆವಾ ದಿಲ್ಲ್ಯಾ ಶ್ರೀಮತಿ ಮರಿಯಾ ಕ್ರಾಸ್ತ ಹಿಕಾ ಅನಿಂ ಜಿಲ್ಲಾ ಮಟ್ಟಾಚಿ ಅತ್ಯುತ್ತಮ್ ಶಿಕ್ಷಾಕಿ ಪ್ರಶಾಶ್ತಿ ಅಪ್ಣಾಯ್ಲೆಲ್ಯಾ ಅಮ್ಚ್ಯಾವಾಡ್ಯಾಚಿ ಸಾಂದೊ ಜಾವ್ನಾಸ್ಚ್ಯಾ ಶ್ರೀಮತಿ ಐಡಾ ಪೀರೆರಾ ಹಿಕಾ ಗುರ್ಕಾರಾಚ್ಯಾ ಮುಕೆಲ್ಪಾಣರ್ ವಿಗಾರ್ ಬಾಪಾಂನಿ ಆನಿಂ ಧರ್ಮ್ ಭಯ್ಣಿನಿ೦ ಮೆಳೊನ್ ಸನ್ಮಾನ್ ಕೆಲೊ. ಮಾಜಿ ಗುರ್ಕಾರ್ನ್ ಮರಿಯಾ ಕ್ರಾಸ್ತಾನ್ ವಾಡ್ಯಾಗಾರಾಂನಿ ದಿಲ್ಲ್ಯಾ ಸಹಕಾರಾಕ್ ಉಪ್ಕಾರ್ ಬಾವುಡ್ಲೊ.

ಫೆಸ್ತಾ ಲೆಖಾರ್ ಖೆಳ್ ಚಲವ್ನ್ ವೆಲ್ಲೆ. ಹ್ಯಾ ಖೆಳಾಂತ್ ಜಿಕ್ ಲ್ಲ್ಯಾಂಕ್,ತಶೆಂಚ್ ಮರಿಯೆಕ್ ಮಾನ್ ಕರುಂಕ್ ಸೊಭಿತ್ ರೀತಿನ್ ಪುಲಾ೦ ಮಾಂಡುನ್ ಹಾಡಲ್ಲ್ಯಾ ಬುರ್ಗ್ಯಾಂಕ್ ವಿಗಾರ್ ಬಾಪಾಂನಿ ಇನಾಮಾಂ ದಿಲಿಂ. ಜೆವ್ಣಾಕ್ ಸ್ಪೊನ್ಸಾರ್ ರಾವ್ ಲ್ಯಾ ದಾನಿಂಕ್ ಗುಲೊಬ್ ದೀವ್ನ್ ಮಾನ್ ಕೆಲೊ.

ವಿಗಾರ್ ಬಾಪಾಂನಿ ಫೆಸ್ತಾ ತರ್ಪೆನ್ ಸಂದೇಶ್ ದೀವ್ನ್ ವಾಡ್ಯಾಗಾರಾಂಕ್ ಬೊರೆಂ ಮಾಗ್ಲೆಂ. ಹ್ಯಾಪೆಸ್ತಾಚ್ಯಾ ಕಾರ್ಯಾಕ್ ಹಾಜರ್ ಆಸ್ ಲ್ಲ್ಯಾ ಅನಿಂ ಕುಮೊಕ್ ಕೆಲ್ಲ್ಯಾ ಸರ್ವಾಂಚೊ ಶ್ರೀಮತಿ ಜಾನೆಟ್ ಕುಟಿನ್ಹಾನ್ ಉಪ್ಕಾರ್ ಬಾವುಡ್ಲೊ.

ಉಪ್ರಾಂತ್ ಸಾಂಸ್ಕೃತಿಕ್ ಕಾರ್ಯೆಂ ಚಲವ್ನ್ ವೆಲೆಂ. ಕಾರ್ಯನಿರ್ವಾಹಕ್ ಜಾವ್ನ್ ಶರ್ಲಿನ್ ರೊಡ್ರಿಗಸ್ ಹಿಣೆ ಬೊವ್ ಸೊಬಿತ್ ರೀತಿನ್ ಕಾರ್ಯೆಂ ಮಾಂಡುನ್ ಹಾಡ್ಲೆ೦.

ಮೊರ್ನಿಂಗ್ ಸ್ಟಾರ್ ಕೊವೆಂತಾಚ್ಯಾ ಧರ್ಮ್ ಭಯ್ಣಿನ್ ಜೆವ್ಣಾಚೆರ್ ದೆವಾಚೊ ಆಶೀರ್ವಾದ್ ಮಾಗ್ಲೊ ಸರ್ವಾಂನಿ ರುಚಿಕ್ ಜೆವಾಣ್ ಸೆವ್ಲೆ೦.

ಫೆಸ್ತಾಚೆ ಆಚರಣ್ ಬೊರೆ೦ ಜಾಂವ್ಕ್ ಸಹಕಾರ್ ದಿಲ್ಲ್ಯಾ ತಶೆಂಚ್ ಭಾಗ್ ಘೆತ್ ಲ್ಲ್ಯಾ ಸರ್ವಾಂಕ್ ದೇವ್ ಬೊರೆಂ ಕರುಂ.