ಫಾತಿಮಾ ವಾಡ್ಯಾಚೆ ವಾರ್ಷಿಕ್ ಫೆಸ್ತ್

News & Pictures: Mrs Joshney Tauro

ತಾ. 12/05/2024 ವೆರ್ ಆಯ್ತಾರಾ ಸಾಂಜೆರ್ 6.00 ವೊರಾರ್ ಫಾತಿಮಾ ವಾಡ್ಯಾಚೆ ಫೆಸ್ತ್ ಶ್ರೀಮಾನ್ ಫ್ರಾನ್ಸಿಸ್ ಸಿಂತಿಯಾ ಫೆರ್ನಾಂಡಿಸ್ ಹಾಂಚಾ ಘರಾ ಆಚರಣ್ ಕೆಲೆಂ.

ವಾಡ್ಯಾ ಫೆಸ್ತಾಕ್ ಆಮ್ಚೆ ಫಿರ್ಗಜೆಚೆ ವಿಗಾರ್ ಬಾಪ್ ಫಾ. ಓನಿಲ್ ಡಿಸೋಜ, ಉಪಾಧ್ಯಕ್ಷ್ ಆನಿಂ ಕಾರ್ಯದರ್ಶಿ ತಶೆಂಚ್ ಮೋರ್ನಿಂಗ್ ಸ್ಟಾರ್ ಕೊವೆಂತಾಚ್ಯೊ ಧರ್ಮ್ ಭಯ್ಣಿಂ ಲ್ಹಾನ್ ಕ್ರಿಸ್ತಾಂವ್ ಸಮುದಾಯೆಚಿ ಸಂಚಾಲಕಿ, ಹೆರ್ ವಾಡ್ಯಾಚೆ ಗುರ್ಕಾರ್ ಆನಿಂ ಪ್ರತಿನಿಧಿ ಹಾಜರ್ ಆಸ್ಲಿಂ.

ಕಾರ್ಯ ನಿರ್ವಾಹಕ್ ಜಾವ್ನ್ ಕುಮಾರಿ ಡಿವಿಟ ಫೆನಾಂಡಿಸಾನ್ ಕಾರ್ಯೆಂ ಚಲವ್ನ್ ವೆಲೆಂ. ಶ್ರೀಮಾನ್ ಫ್ರಾನ್ಸಿಸ್ ಸಿಂತಿಯಾ ಫೆರ್ನಾಂಡಿಸ್ ಹಾಣಿಂ ಬೈಬಲಾಕ್ ಮಾನ್ ಕೆಲೊ. ವಾಡ್ಯಾಚಾ ಲ್ಹಾನ್ ಕ್ರಿಸ್ತಾಂವ್ ಸಮುದಾಯೆಚಿ ಸಂಚಾಲಕಿ ಶ್ರೀಮತಿ ಜೋಶ್ನಿ ತಾವ್ರೊನ್ ಮಾಗ್ಣ್ಯಾ ವಿಧಿ ಚಲವ್ನ್ ವೆಲಿ.

ವಿಗಾರ್ ಬಾಪಾಂಕ್, ವೆದಿರ್ ಆಸ್ಲ್ಯಾ ಸರ್ವಾಂಕ್ , ತಶೆಂಚ್ ಹೆರ್ ವಾಡ್ಯಾಚಾ ಗುರ್ಕಾರಾಂಕ್ ಆನಿಂ ಪ್ರತಿನಿಧಿಂಕ್ , ವಾಡ್ಯಾಚಿ ಗುರ್ಕಾರ್ನ್ ಶ್ರೀಮತಿ ದಿವ್ಯಾ ಡಿಸೋಜ ಹಿಣೆಂ ಸ್ವಾಗತ್ ಕೆಲೊ.

ಫಾ. ಅರುಣ್ ಲೋಬೊ ಆಮ್ಚಾ ವಾಡ್ಯಾ ಫೆಸ್ತಾಕ್ ಹಾಜರ್ ಜಾವ್ನ್ ವಾಡ್ಯಾಗಾರಾಂಚೊ ಸಂತೊಸ್ ದೊಡ್ತೊ ಜಾಂವ್ಕ್ ತಾಣಿಂ ಆಮ್ಕಾಂ ಸಾಂಗಾತ್ ದಿಲಾ.

ವಾಡ್ಯಾಚಿ ವಾರ್ಷಿಕ್ ವರ್ದಿ ಶ್ರೀಮಾನ್ ನೆಲ್ಸನ್ ಫೆರ್ನಾಂಡಿಸಾನ್ ವಾಸ್ಲಿ. ವಿಗಾರ್ ಬಾಪಾಂನಿ ಫೆಸ್ತಾ ವಿಶಿಂ ವಾಡ್ಯಾಗಾರಾಂಕ್ ಸಂದೇಶ್ ದಿಲೊ. ಶ್ರೀಮತಿ ತೆರೆಜಾ ಕರ್ಡೋಜ ಹಿಣೆಂ ವಾಡ್ಯಾಗಾರಾಂಕ್ ಉದ್ದೇಶಿಸುನ್ ದೋನ್ ಉತ್ರಾಂ ಉಲಯ್ಲಿ. ಫಾ. ಅರುಣ್ ಲೋಬೊ ಹಾಣಿಂ
ವಾಡ್ಯಾಜಮಾತಿ ವಿಷ್ಯಾಂತ್ ತಾಂಚಿ ಭೊಗ್ಣಾಂ ಉಚಾರ್ಲಿಂ.

ವಾಡ್ಯಾಚಾ ಲ್ಹಾನ್ ಭುರ್ಗ್ಯಾಂನಿಂ ತಶೆಂಚ್ ವ್ಹಡಾಂನಿ ಸಾಂಸ್ಕೃತಿಕ್ ಕಾರ್ಯೆಂ ಮಾಂಡುನ್ ಹಾಡ್ಲೆಂ. ನೆಲ್ಸನ್ ಫೆರ್ನಾಂಡಿಸಾನ್ ಖೆಳ್ ಚಲವ್ನ್ ವೆಲೆ. ವಿಜೇತ್ ಜಾಲ್ಯಾಂಕ್ ಬಹುಮಾನಾಂ ವಾಂಟ್ಲಿಂ. ಶ್ರೀಮತಿ ಸಿಂತಿಯಾ ಫೆರ್ನಾಂಡಿಸ್ ಹಿಣೆಂ ಧನ್ಯವಾದ್ ಪಾಠಯ್ಲೆಂ.

ಅಖೇರಿಕ್ ವಿಗಾರ್ ಬಾಪಾಂನಿ ಜೆವ್ಣಾಚೆರ್ ಆಶೀರ್ವಾದ್ ಮಾಗ್ಲೊ. ಉಪ್ರಾಂತ್ ವಾಡ್ಯಾಗಾರಾಂನಿ ಸಾಂಗಾತಾ ಮೆಳೊನ್ ತಯಾರ್ ಕೆಲ್ಲೆಂ ರುಚಿಕ್ ಜೆವಾಣ್ ಸೆವ್ನ್ ಫೆಸ್ತಾಚೊ ಸಂಭ್ರಮ್ ಆಖೇರ್ ಕೆಲೊ.