ಡಾ| ಸಿಯಾನ್ ಪ್ರಿನ್ಸನ್ ಡಿ ಸೋಜಾ ಅನಿಂ ಡಾ| ಸುಜಾನ್ ಎಲಿಜಾ ಡಿ ಸೋಜಾ ಹಾಂಕಾ ಮಾನ್ ಅರ್ಪಣ್

ವರ್ದಿ ಅನಿ ತಸ್ವೀರ್: ಶ್ರೀಮಾನ್ ರೋನಾಲ್ಡ್ ಸೆರಾವೋ

ತಾ. 6.10.2024 ವೆರ್ ಸಕಾಳಿಂಚ್ಯಾ ಮಿಸಾ ಉಪ್ರಾಂತ್ ಬಾಳೊಕ್ ಮರಿ ವಾಡ್ಯಾಂತ್ ವಸ್ತಿ ಕರುನ್ ಅಸಾತ್, ಮಾನೇಸ್ತ್ ಪ್ರಕಾಶ್ ಡಿ ಸೋಜಾ ಅನಿಂ ಸುಮನ್ ಡಿ ಸೋಜಾ ಹಾಂಚಿಂ ಬುರ್ಗಿಂ ಡಾ| ಸಿಯಾನ್ ಪ್ರಿನ್ಸನ್ ಡಿ ಸೋಜಾ ಅನಿಂ ಡಾ| ಸುಜಾನ್ ಎಲಿಜಾ ಡಿ ಸೋಜಾ ಹಾಣಿಂ ವೈದ್ಯಕೀಯ್ ಕ್ಷೇತ್ರಾಂತ್ ಡಾಕ್ಟರ್ ಸನದ್ ಜೊಡ್ಲೆಲ್ಯಾ ಸಂದರ್ಭಾರ್ ಕೊರ್ಪುಸ್ ಕ್ರಿಸ್ತಿ ಪಿರ್ಗಜೆ ತರ್ಪೆನ್ ಮಾನ್ ಪಾಟಯ್ಲೊ. ಹ್ಯಾ ಸಂದರ್ಭಾರ್ ಪಿರ್ಗಜ್ ವಿಗಾರ್ ಬೊ|ಮಾ|ಬಾ| ಒನಿಲ್ ಡಿ ಸೋಜಾ, ಗೊ.ಪ. ಉಪಾದ್ಯಕ್ಷ್ ಮಾನೇಸ್ತ್ ವಿನ್ಸೆಂಟ್ ಡಿ ಸೋಜಾ, ಕಾರ್ಯದರ್ಶಿ ಮಾನೇಸ್ತ್ ನೋರ್ಬರ್ಟ್ ಮಾರ್ಟಿಸ್, 12 ಆಯೋಗಾಂಚಿ ಸಂಯೋಜಕಿ ಮಾನೇಸ್ತೀಣ್ ಸೆಲಿನ್ ಡಿಸೋಜಾ ಹಾಣಿಂ ಪಿರ್ಗಜ್ ಕುಟ್ಮಾಂ ತರ್ಪೆನ್ ಮಾನ್ ಪಾಟವ್ನ್ ತಾಂಕಾಂ ಬೊರೆಂ ಮಾಗ್ಲೆಂ. ಮಾನೇಸ್ತ್ ಇಮ್ಮಾನುವೆಲ್ ಮೋನಿಸ್ ಹಾಣೆಂ ವ್ಯಕ್ತಿ ಪರಿಚಯ್ ಕರುನ್ ದಿಲಿ.