ಮಾದಕ್ ದ್ರವ್ಯಾಂ ವಿರೋಧ್ ಆನಿಂ ಅಪ್ರಾಧ್ ಚಟುವಟಿಕ್ಯೊ ವಿಶಿಂ ಜಾಗ್ರತಿ ಕಾರ್ಯಕ್ರಮ್

ವರ್ಧಿ : ಎ. ರೊನಾಲ್ಡ್ ಸೆರಾವೊ

ತಾ. 4.8.2024 ವೆರ್ ಸಕಾಳಿಂ 9:00 ವರಾರ್ ಕೊರ್ಪುಸ್ ಕ್ರಿಸ್ತಿ ಇಗರ್ಜೆ ಸಭಾ ಸಾಲಾಂತ್ ಮಾದಕ್ ದ್ರವ್ಯಾಂ ವಿಶಿಂ ಜಾಗ್ರತಿ ಮಾಹೆತ್ ಕಾರ್ಯಕ್ರಮ್ ಕಥೊಲಿಕ್ ಸಭಾ ಘಟಕ್ ಮೂಡಬಿದ್ರಿ, ಐಸಿವೈಎಮ್ ಘಟಕ್ ಮೂಡಬಿದ್ರಿ ಅನಿಂ ಪಿರ್ಗಜೆಂತ್ಲ್ಯಾ ವಿವಿಧ್ ಆಯೋಗಾಂ ಸಾಂಗಾತಾ ಮೆಳೊನ್ ಕಾರ್ಯಕ್ರಮ್ ಮಾಂಡುನ್ ಹಾಡ್ಲೆಂ.

ಕಾರ್ಯಕ್ರಮಾಚೆ ಸಭಾಧ್ಯಕ್ಷ್ ಬೊ|ಮಾ|ಬಾ| ಒನಿಲ್ ಡಿ‌ಸೋಜಾ, ಕಾರ್ಯಾಚೆ ಸಂಪನ್ಮೂಳ್ ವ್ಯಕ್ತಿ ಮಾನೇಸ್ತ್ ಸಂದೇಶ್ ಪಿ ಜಿ ಮೂಡಬಿದ್ರಿ ಪೋಲೀಸ್ ಠಾಣ್ಯಾಚೊ ಸರ್ಕಲ್ ಇನ್ಸ್ಪೆಕ್ಟರ್, ಪಿರ್ಗಜ್ ಗೊವ್ಳಿಕ್ ಪರಿಷದ್ ಉಪಾದ್ಯಕ್ಷ್ ಮಾನೇಸ್ತ್ ವಿನ್ಸೆಂಟ್ ಡಿ ಸೋಜಾ, 21 ಆಯೋಗಾಂಚಿ ಸಂಯೋಜಕಿ ಮಾನೇಸ್ತೀಣ್ ಸೆಲಿನ್ ಡಿ ಸೋಜಾ, ಕಥೊಲಿಕ್ ಸಭಾ ಘಟಕ್ ಅದ್ಯಕ್ಷ್ ಎ. ರೊನಾಲ್ಡ್ ಸೆರಾವೊ, ಕಾರ್ಯದರ್ಶಿ ಕ್ಲಿಪರ್ಡ್ ಡಿ ಕೋಸ್ತಾ, ಆಯೋಗಾಂಚೊ ಸಂಚಾಲಕ್ ಮಾನೇಸ್ತ್ ಇಮ್ಮಾನುವೆಲ್ ಮೋನಿಸ್, ಐಸಿವೈಎಮ್ ಭಾಂಗಾರೋತ್ಸವ್ ಜುಬ್ಲೆವ್ ಸಂಚಾಲಕ್ ಮಾನೇಸ್ತ್ ವಿನ್ಸೆಂಟ್ ಮಸ್ಕರೇನ್ಹಾಸ್, ಐಸಿವೈಎಮ್ ಅದ್ಯಕ್ಷ್ ಶ್ರೀ ವಿಯಾನ್ ಡಿ ಸೋಜಾ, ಕಾರ್ಯದರ್ಶಿ ಐಶೆಲ್ ರೆಬೆಲ್ಲೊ, ಐಸಿವೈಎಮ್ ವಾರಾಡೊ ಅದ್ಯಕ್ಷ್ ಶ್ರೀ ಜೇವಿನ್ ಡಿ ಸೋಜಾ ವೇದಿರ್ ಹಾಜರ್ ಆಸ್ ಲ್ಲೆ.

ಪವಿತ್ರ್ ಅತ್ಮ್ಯಾಚ್ಯಾ ಗೀತಾ ಬರಾಬರ್ ಕಾರ್ಯೆಂ ಆರಂಭ್ ಕರುನ್, ಮಾನೇಸ್ತ್ ಇಮ್ಮಾನುವೆಲ್ ಮೋನಿಸ್ ಹಾಣೆಂ ಸರ್ವಾಂಕ್ ಸ್ವಾಗತ್ ಮಾಗ್ಲೊ. ಸಂಪನ್ಮೂಳ್ ವ್ಯಕ್ತಿ ಮಾನೇಸ್ತ್ ಸಂದೇಶ್ ಪಿಜಿ ಹಾಂಚಿ ವ್ಯಕ್ತಿ ಪರಿಚಯ್ ಮಾನೇಸ್ತ್ ರೊನಾಲ್ಡ್ ಸೆರಾವೊನ್ ಕರುನ್ ದಿಲಿ. ಉಪ್ರಾಂತ್ ಮಾಹೆತ್ ಕಾರ್ಯಕ್ರಮ್ ಚಲವ್ನ್ ವರ್ಚ್ಯಾಕ್, ಮಾನಾಚ್ಯಾ ಸಯ್ರ್ಯಾನಿಂ ವೇದಿ ಸೊಡುನ್ ದಿಲಿ. 45 ಮಿನುಟಾಂ ಬರ್ ವಿವಿಧ್ ರೀತಿಚ್ಯಾ ಮಾದಕ್ ದ್ರವ್ಯಾಂ ಮಾರಿಪಾತ್ ಬಲಿ ಜಾವುನ್ ಉಪ್ರಾಂತ್ ಕಷ್ಟೊಂಚ್ಯಾ ಯುವಕ್ ಯುವತಿ ವಿಶಿಂ ಅನಿಂ ತಾಂಚ್ಯಾ ವಡಿಲಾನಿಂ ತಾಂಕಾಂ ಕಶೆಂ ಮಾರ್ಗದರ್ಶನ್ ದೀಂವ್ಕ್ ಜಾಯ್ ಮುಳ್ಳೆ ವಿಶಿಂ, ಅಪ್ರಾಧ್ ಸಂಗ್ತಿನಿಂ ಕಶಿಂ ಆತಾಂಚಿಂ ಭುರ್ಗಿಂ ವಳಗ್ ಜಾತಾತ್ ಮುಳ್ಳೆ ವಿಶಿಂ, ತಶೆಂಚ್ ಅಯ್ಚ್ಯಾ ಕಾಳಾರ್ ಯುವಕ್ ಯುವತಿ ಶಿಕಾಪ್ ಸಂಪ್ತೆಚ್ ಬಾಯ್ಲ್ಯಾ ರಾಷ್ಟ್ರಾನಿಂ ಕಾಮಾ ಖಾತಿರ್ ವೆಚೆಂ ಅಮ್ಕಾಂ ಪಳೆಂವ್ಕ್ ಮೆಳ್ತಾ. ತಾಚ್ಯಾಕೀ ಅಮ್ಚ್ಯಾಚ್ ದೇಶಾಂತ್ ಸರ್ಕಾರಿ ಕಾಮಾಂ ವಾ ಪೋಲೀಸ್ ಇಲಾಖ್ಯಾಂತ್ ಕಾಮಾಂಕ್ ಪ್ರಯತನ್ ಕೆಲೆಂ ತರ್ ಬೋವ್ ಬೊರೆಂ‌ ಆಶೆಂ ವಿವಿಧ್ ಮಾಹೆತ್ ತಾಣಿಂ ದಿಲಿ. ಉಪ್ರಾಂತ್ ಸಭೆ ಥಾವ್ನ್ ಆಯ್ಲೆಲ್ಯಾ ಸವಾಲಾಂಕ್ ತಾಣಿಂ ಜೊಕ್ತ್ಯೊ ಜಾಪಿ ದಿವುನ್ ಮಾಹೆತ್ ಕಾರ್ಯೆಂ ಸಂಪಯ್ಲೆಂ.

ಉಪ್ರಾಂತ್ ಸಭಾಧ್ಯಕ್ಷ್ ಬೊ|ಮಾ|ಬಾ| ಒನಿಲ್ ಡಿ‌ಸೋಜಾ ಹಾಣಿಂ ತಾಂಚೊ ಸಂದೇಶ್ ದಿವುನ್ ಬೊರಿ ಮಾಹೆತ್ ದಿಲ್ಲ್ಯಾ ಮಾನೇಸ್ತ್ ಸಂದೇಶ್ ಪಿಜಿ ಹಾಂಕಾಂ ಅಬಿನಂದನ್ ಪಾಟಯ್ಲೆ.

ನಿಮಾಣೆಂ ವಿಯಾನ್ ಡಿ ಸೋಜಾಚ್ಯಾ ದನ್ಯವಾದಾ ಸವೆಂ, ಮೆಲ್ಬಾ ಪಿಂಟೊನ್ ಕಾರ್ಯೆಂ ನಿರ್ವಹಣ್ ಕರುನ್, ಕಾರ್ಯಕ್ರಮ್ ಸಂಪಯ್ಲೆಂ