YCS- ಮೂಡುಬಿದ್ರಿ ಘಟಕಾ ಥಾವ್ನ್ ಗರ್ಜೆವಂತ್ ಭುರ್ಗ್ಯಾಂ ಸಂಗಿಂ ಕ್ರಿಸ್ಮಸಾಚೊ ಸಂಭ್ರಮ್

YCS ಘಟಕ್, ಕೊರ್ಪುಸ್ ಕ್ರಿಸ್ತಿ ಚರ್ಚ್, ಮೂಡುಬಿದ್ರಿ ಥಾವ್ನ್ *ಗರ್ಜೆವಂತ್ ಭುರ್ಗ್ಯಾಂ ಸಂಗಿಂ ಕ್ರಿಸ್ಮಸಾಚೊ ಸಂಭ್ರಮ್ ಆಚರಣ್* ಮಳ್ಳೆಂ ವಿಶೇಷ್ ಕಾರ್ಯೆಂ ಚಲ್ಲೆಂ. ಹ್ಯಾಚ್ಚ್ ದಶೆಂಬ್ರಾಚಾ 10 ವೆರ್ ಫಿರ್ಗಜ್ ಗಾರಾಂ ಥಾವ್ನ್ ದಾನಾ ರೂಪಾರ್ ಗರ್ಜೆವಂತ್ ಭುರ್ಗ್ಯಾಂಕ್ ಬಿಸ್ಕಿಟ್, ಕೇಕ್,ಚೊಕ್ಲೆಟಾಂ ಅನಿ ಇತರ್ ಖಾಣಾಂ ಜಮಯ್ಲಿಂ. ಹ್ಯಾ ಕಾರ್ಯಾಕ್ ಫಿರ್ಗಜ್ ಗಾರಾನಿ ಚಿಂತ್ಲೆಲ್ಯಾಚಾಕೀ ಚಡ್ ಮಾಪಾನ್ ಖಾಣಾಂ ದಾನಾ ರೂಪಾರ್ ದೀವ್ನ್ ವರ್ತೊ ಸಹಕಾರ್ ದಿಲೊ. ಹಿಂ ಖಾಣಾಂ ದಸೆಂಬ್ರಾಚಾ 14 ವೆರ್ ಮೂಡುಬಿದ್ರಿಂತ್ಲ್ಯಾ ಜ್ಯೋತಿನಗರ ಅನಿ ಮಾಸ್ತಿಕಟ್ಟೆಚಾ ಸರ್ಕಾರಿ ಶಾಲಾಂತ್ಲ್ಯಾ ಒಟ್ಟು 230 ಗರ್ಜೆವಂತ್ ಭುರ್ಗ್ಯಾಂಕ್ ವಾಂಟುನ್, ಜೆಜುಚಾ ಜಲ್ಮಾ ಫೆಸ್ತಾಚೊ ಸಂತೊಸ್ ಅನಿ ಸಂಭ್ರಮ್ ತಾಣಿಂಯೀ ಭೊಗಿಚೊ ಕೆಲೊ.

ಹ್ಯಾ ಕಾರ್ಯಾಂತ್, YCS ಸಾಂದೆ, ಸಚೇತಕ್ ತಶೆಂಚ್ ಸ್ಥಳೀಯ್ ಶಾಲಾಚಿಂ ಶಿಕ್ಷಕಿಂ ಹಾಜರ್ ಅಸುಲ್ಲಿಂ.