ಮೂಡ್ ಬಿದ್ರಿ ಫಿರ್ಗಜೆಂತ್ ದೆವಾಚಾ ಉತ್ರಾಚೊ ಅನ್ಬೋಗ್ ವಾಂಟುನ್ ಘೆಂವ್ಚಿ ತರ್ಬೆತಿ

ವರ್ದಿ : ತೆರೆಜಾ ಕರ್ಡೋಜಾ
ತಸ್ವೀರ್: ಅಸ್ಟಿನ್ ರೊಡ್ರಿಗಸ್

ತಾ.11-08-2024 ವೆರ್ ಆಯ್ತಾರಾ ಸಕಾಳಿಂ ಮಿಸಾ ಉಪ್ರಾಂತ್ ಕೊರ್ಪುಸ್ ಕ್ರಿಸ್ತಿ ಇಗರ್ಜೆಚ್ಯಾ ಸಭಾ ಸಾಲಾಂತ್ ಎಕ್ತಾರ್ ಪಂಗಡ್ ಆನಿ ಲ್ಹಾನ್ ಕ್ರಿಸ್ತಾಂವ್ ಸಮುದಾಯ್ ಹಾಂಚಾ ಮುಖೆಲ್ಪಣಾರ್ ಲ್ಹಾನ್ ಕ್ರಿಸ್ತಾಂವ್ ಸಮುದಾಯಚಾ ವಾಡ್ಯಾ ಜಮಾತಿಂತ್ ಚಲೊಂವ್ಚಾ ಸಾತ್ ಮೆಟಾಂಚಾ ವಿಧಾನಾಂತ್ ಪಾಂಚ್ವೆ ಮೇಟ್ ಸುವಾರ್ತೆಚಾ ಉತ್ರಾಂ ಥಾವ್ನ್ ಅಮ್ಚಾ ಕಾಳ್ಜಾಂತ್ ಕಿತೆಂ ಬೊಗ್ಲಾಂ ತೆಂ ಎಕಾಮೆಕಾ ವಾಂಟುನ್ ಘೆಂವ್ಚೆವಿಶಿಂ ತರ್ಬೆತಿ ಕಾರ್ಯಕ್ರಮ್ ಮಾಂಡುನ್ ಹಾಡ್ಲೆಂ.

ಕಾರ್ಯಕ್ರಮಾಚಾ ಆರಂಭಾರ್ ಪವಿತ್ರ್ ಪುಸ್ತಕ್ ಗೌರವಾನ್ ಪುರ್ಶಾಂವಾರ್ ಹಾಡ್ನ್ ಮಾನಾಚಾ ಜಾಗ್ಯಾರ್ ದವರ್ನ್ ಫುಲಾಂಚೊ ಝೆಲೊ ಘಾಲ್ನ್ ಮಾನ್ ಕೆಲೊ. ಆನಿ ಲ್ಹಾನ್ ಮಾಗ್ಣ್ಯಾ ವಿಧಿ ಚಲವ್ನ್ ವೆಲಿ. ಪವಿತ್ರ್ ಪುಸ್ತಕಾಚೊ ಆಶೀರ್ವಾದ್ ದಿತಚ್ , ಮಾ| ಬಾ| ಒನಿಲ್ ಡಿಸೋಜಾನ್ ಸಂಪನ್ಮೂಳ್ ವ್ಯಕ್ತಿ ಲ್ಹಾನ್ ಕ್ರಿಸ್ತಾಂವ್ ಸಮುದಾಯ್ ಮಂಗ್ಳುರ್ ದಿಯೆಸಿಜಿಚೊ ದಿರೆಕ್ತೊರ್ ಮಾ| ಬಾ| ಸುನಿಲ್ ಡಿಸೋಜ ಹಾಂಚಿ ವಳಕ್ ಕರ್ನ್ ದೀವ್ನ್ ಸ್ವಾಗತ್ ಕೆಲೊ. ಮಾನೆಸ್ತೀಣ್ ಸೆಲಿನ್ ಡಿಸೋಜಾನ್ ಕಾರ್ಯೆಂ ನಿರ್ವಹಣ್ ಕೆಲೆಂ.

ಲ್ಹಾನ್ ಕ್ರಿಸ್ತಾಂವ್ ಸಮುದಾಯಚೊ ಮುಳಾವೊ ಉದ್ದೇಶ್ ಸಾಂಗಾತಾ ಯೆಂವ್ಚೆ. ಅಮಿ ಸಮುದಾಯಾಂತ್ ಜಲ್ಮಾಲ್ಲ್ಯಾಂವ್. ಸಮುದಾಯಾಂತ್ ಮೊರ್ತಾಂವ್.ಸಮುದಾಯಚಿ ಜಿಣಿ ಬೋವ್ ಗರ್ಜೆಚಿ ಮಳ್ಳಿ ಶಿಕೊವ್ಣ್ ಬಾಪ್ ಸುನಿಲ್ ಡಿಸೋಜ ಹಾಣಿಂ ದಿಲಿ. ಉಪ್ರಾಂತ್ ಪಂಗ್ಡಾನಿ ಬೊಸೈಲ್ಲೆಂ. ಸುವಾರ್ತೆಚಾ ಉತ್ರಾಚೊ ಅನ್ಬೋಗ್ಎಕಾಮೆಕಾ ಕಶೆಂ ವಾಂಟುನ್ ಘೆಂವ್ಚೊ ಮಳ್ಳೆಂ ಉದಾಹರಣಾ ಮುಖಾಂತ್ರ್ ತಿಳ್ಸಿಲ್ಲ್ಯಾ ಉಪ್ರಾಂತ್ ಸಬಾರಾಂನಿ ಸುವಾರ್ತೆಚೆಂ ಉತಾರ್ ವಿಂಚುನ್ ತಾಂಚಾ ಕಾಳ್ಜಾಂತ್ ಬೊಗ್ ಲ್ಲೆಂ ವಾಂಟುನ್ ಘೆತ್ಲೆಂ.. ಸಾತ್ ಮೆಟಾಂಚಾ ವಿಧಾನಾಂತ್ ಊರ್ ಲ್ಲ್ಯಾ ಮೆಟಾಂನಿ ಸಾದ್ಯಾ ರಿತಿರ್ ಒತ್ತಾಡಾಕ್ ಒಳಗ್ ಜಾಯ್ನಾಸ್ತಾನಾ ಕಶೆಂ ಭಾಗ್ ಘೆವ್ಯೆತ್ ಮಳ್ಳಿ ಮಾಹೆತ್ ದಿಲಿ. ಉಪ್ರಾಂತ್ ಸಭೆ ಥಾವ್ನ್ ಆಯ್ಲೆಲ್ಲ್ಯಾ ಸವಾಲಾಂಕ್ ಜೊಕ್ತ್ಯೊ ಜಾಪಿ ದಿಲ್ಯೊ. ಅಕ್ರೇಕ್ ಮಾಗ್ಣ್ಯಾ ಸವೆಂ ತರ್ಬೆತಿ ಕಾರ್ಯೆಂ ಸಂಪ್ಲೆಂ.

ಹ್ಯಾ ತರ್ಬೆತೆಕ್ 13 ವಾಡ್ಯಾ ಥಾವ್ನ್ 115 ಸಾಂದ್ಯಾಂನಿ ಭಾಗ್ ಘೆತ್ಲೊ. ಜಮ್ಲೆಲ್ಯಾ ಸರ್ವಾಂನಿ ವಾಡ್ಯಾ ಜಮಾತಿ ಜಿವಾಳ್ ಆನಿ ಕ್ರಿಯಾಳ್ ರಿತಿನ್ ಚಲವ್ನ್ ಎಕ್ ಬಳ್ವಾಂತ್ ಸಮುದಾಯ್ ಬಾಂದುನ್ ಹಾಡ್ಚೆ ದಿಶೆನ್ ತರ್ಬೆತಿ ಜೊಡ್ಲಿ.