ರುಜಾಯ್ ವಾಡ್ಯಾ ಪೆಸ್ತ್ ಆಚರಣ್

ವರ್ದಿ: ರೊನಾಲ್ಡ್ ಎ. ಸೆರಾವೋ

ತಾ. 8.10.2023 ವೆರ್ ದನ್ಪಾರಾಂ 12:00 ವರಾರ್, ಮಾನೇಸ್ತೀಣ್ ವಿನ್ನಿ ಪಿಂಟೊ ಹಿಚ್ಯಾ ನಿವಾಸಾಂತ್ ವಾಡ್ಯಾ ಪೆಸ್ತಾಚೆಂ ಕಾರ್ಯೆಂ ಮಾಂಡುನ್ ಹಾಡ್ಲೆಂ. ಹ್ಯಾ ಕಾರ್ಯಾಕ್ ನೊರ್ಬಾಂಟಾಯ್ನ್ ಮೆಳಾಚೆ ಯಾಜಕ್, ಮಾ|ಬಾ| ದೀಪಕ್ ನೊರೊನ್ಹಾ, ಪಿರ್ಗಜ್ ಗೊವ್ಳಿಕ್ ಪರಿಷದ್ ಉಪಾದ್ಯಕ್ಷ್ ಮಾನೇಸ್ತ್ ವಿನ್ಸೆಂಟ್ ಡಿ ಸೋಜಾ, ಕಾರ್ಯದರ್ಶಿ ಮಾನೇಸ್ತ್ ನೋರ್ಬರ್ಟ್ ಮಾರ್ಟಿಸ್, 21 ಆಯೋಗಾಂಚಿ ಸಂಯೋಜಕಿ ಮಾನೇಸ್ತೀಣ್ ಸೆಲಿನ್ ಡಿ ಸೋಜಾ, ಲ್ಹಾನ್ ಕ್ರಿಸ್ತಾಂವ್ ಸಮುದಾಯ್ ಸಂಚಾಲಕಿ, ಮಾನೇಸ್ತೀಣ್ ತೆರೆಜಾ ಕಾರ್ಡೊಜಾ, ತಶೆಂಚ್ ಧರ್ಮ್ ಭಯ್ಣಿಂ ಸಿ| ಎವ್ಲಿನ್ ಕಾರ್ಮೆಲ್ ಕೊವೆಂತ್ ಅನಿಂ ಸಿ| ಸುಶ್ಮಾ Morning Star ಕೊವೆಂತ್ ವೇದಿಚೆರ್ ಹಾಜರ್ ಆಸ್ ಲ್ಲಿಂ.

ಸರ್ವಾನಿಂ ಪವಿತ್ರ್ ವಾಂಜೆಲಾಕ್ ಮಾನ್ ಕರುನ್ ಜಾತಚ್, ಪ್ರಾರ್ಥನ್ ನ್ರತ್ಯಾ ದ್ವಾರಿಂ ದೆವಾಕ್ ದಿನ್ವಾಸ್ಲೆಂ. ವಾಡ್ಯಾಚೊ ಗುರ್ಕಾರ್ ಮಾನೇಸ್ತ್ ಮಾರ್ಸೆಲ್ ಡಿ ಸೋಜಾನ್, ಮಾನಾಚ್ಯಾ ಸಯ್ರ್ಯಾಂಕ್ ಸ್ವಾಗತ್ ಮಾಗ್ಲೊ. ಶ್ರೀಮತಿ ಲೀನಾ ಪಿಂಟೊನ್ ಮಾಗ್ಣ್ಯಾ ವಿಧಿ ಚಲವ್ನ್ ವೆಲಿ.

ವಾಡ್ಯಾಂತ್ಲ್ಯಾ ಲಾನಾಂ ಭುರ್ಗ್ಯಾಂ ಥಾವ್ನ್ ನ್ರತ್ಯ್ ಪ್ರದರ್ಶನ್ ಕರುನ್, ವಿವಿಧ್ ಕ್ಷೇತ್ರಾಂತ್ ಸಾಧನ್‌ ಕೆಲೆಲ್ಯಾಂಕ್ ಮಾನ್ ಕೆಲೊ. ವಿವಿಧ್ ಖೆಳ್ ಆಸಾ ಕರುನ್, ಜಿಕ್ಲೆಲ್ಯಾಂಕ್ ಬಹುಮಾನ್ ವಿತರಣ್ ಕೆಲೆಂ.

ಮಾ|ಬಾ| ದೀಪಕ್ ನೊರೊನ್ಹಾ ಹಾಣಿಂ ಸಂದೇಶ್ ದಿವುನ್ ಜಾತಚ್, ಸರ್ವ್ ವಾಡ್ಯಾಗಾರಾನಿಂ ಸಾಂಗಾತಾ ಮೆಳೊನ್ ಸಮುದಾಯ್ ಗೀತ್ ಗಾಯನ್ ಕೆಲೆಂ. ನಿಮಾಣೆಂ ಜೆವ್ಣಾಚೆರ್ ಆಶಿರ್ವಾದ್ ಮಾಗೊನ್, ವಾಡ್ಯಾಚೊ ಗುರ್ಕಾರ್ ಮಾನೇಸ್ತ್ ಮಾರ್ಸೆಲ್ ಡಿ‌ಸೋಜಾನ್ ಜೆವ್ಣಾಕ್ ಉದಾಕ್ ದಿವುನ್ ವೇದಿ ಕಾರ್ಯೆಂ ಸಂಪಯ್ಲೆಂ. ಸುಮಾರ್ 130 ಸಾಂದೆ ಹಾಜರ್ ಆಸ್ ಲ್ಲೆ.

ಪ್ರೀಮಾ ಲಸ್ರಾದೊನ್ ದನ್ಯವಾದ್ ಪಾಟಯ್ಲೆಂ.

ಕಾರ್ಯೆಂ ನಿರ್ವಹಣ್ ರೋಹಿತ್ ಅನಿಂ ರೆಚೆಲ್ ಡಿ ಸೋಜಾ ಹಾಣಿಂ ಚಲವ್ನ್ ವೆಲೆಂ.