ಅಲ್ಪ ಸಂಖ್ಯಾತ ಇಲಾಖೆ, ಅಭಿವ್ರಧ್ದಿ ನಿಗಮ ಸೌಲತ್ಯೊ ವಿಶಿಂ ಮಾಹೆತ್

ವರ್ಧಿ; ಎ. ರೊನಾಲ್ಡ್ ಸೆರಾವೋ

ತಾ. 1.9.2024 ವೆರ್ ಸಕಾಳಿಂ 9:00 ವರಾರ್ ಕೊರ್ಪುಸ್ ಕ್ರಿಸ್ತಿ ಪಿರ್ಗಜೆಚ್ಯಾ ಸಭಾ ಸಾಲಾಂತ್ ಅಲ್ಪ ಸಂಖ್ಯಾತ್ ಇಲಾಖೆ ಆನಿಂ ಅಭಿವ್ರಧ್ದಿ ನಿಗಮ ಮಾರಿಪಾತ್ ಕರ್ನಾಟಕ ಸರ್ಕಾರಾ ಥಾವ್ನ್ ಮೆಳ್ಚ್ಯಾ ಸೌಲತ್ಯಾಂ ವಿಶಿಂ ಮಾಹೆತ್ ಕಾರ್ಯಕ್ರಮ್ ಕಥೊಲಿಕ್ ಸಭಾ ಘಟಕ್ ಆನಿಂ ಐಸಿವೈಎಮ್ ಘಟಕಾಚ್ಯಾ ಮುಖೇಲ್ಪಣಾಖಾಲ್ ಮಾಂಡುನ್ ಹಾಡ್ಲೆಂ.

ಕರ್ನಾಟಕ ಅಲ್ಪ ಸಂಖ್ಯಾತರ ಕಲ್ಯಾಣ ಇಲಾಖೆ ಅಧಿಕಾರಿ ಶ್ರೀ ಮಂಜುನಾಥ ಹಾಜರ್ ಆಸೊನ್, ಕರ್ನಾಟಕ ಅಲ್ಪ ಸಂಖ್ಯಾತರ ಅಭಿವ್ರಧ್ಧಿ ನಿಗಮ ಅಧಿಕಾರಿ ಶ್ರೀ ಮಹಮದ್ ರಾವೂಪ್ ಹಾಜರ್ ಅಸೊನ್ ತಾಂಚ್ಯಾ ಇಲಾಖಾಂತ್ ವಾ ನಿಗಮಾಂತ್ ಕಸಲ್ಯೊ ಸೌಲತ್ಯೊ ಆಸಾತ್, ಉಪಯೋಗ್ ಕರುಂಕ್ ಕಸಲಿಂ ಸಗ್ಳಿಂ ವಿಧಾನಾಂ ಆಸಾತ್ ಮುಣ್ ವಿವರ್ ದಿಲೊ. ಉಪ್ರಾಂತ್ ಸಭೆ ಥಾವ್ನ್‌ ಆಯ್ಲೆಲ್ಯಾ ಸವಾಲಾಂಕ್ ಜೊಕ್ತಿ ಜವಾಬ್ ದಿವುನ್, ಕಿತೆಂಯ್ ಗರ್ಜ್ ಪಡ್ಲ್ಯಾರ್ ಸಂಪರ್ಕ್‌ ಕರ್ಚ್ಯಾಕ್ ತಿಳ್ಸಿಲೆಂ.

ಐಸಿವೈಎಮ್ ಕಾರ್ಯದರ್ಶಿ ಈಶೆಲ್ ರೆಬೆಲ್ಲೊನ್ ಸ್ವಾಗತ್ ಕರುನ್, ಶ್ರೀ ಮಾರ್ಕ್ ಮೆಂಡೋನ್ಸಾನ್ ಅಧಿಕಾರಿಂಚಿ ವಳಕ್ ಕರುನ್ ದಿಲಿ.

ಪಿರ್ಗಜ್ ವಿಗಾರ್ ಬೊ|ಮಾ|ಬಾ| ಒನಿಲ್ ಡಿಸೋಜಾ, ಗೊವ್ಳಿಕ್ ಪರಿಷದ್ ಉಪಾದ್ಯಕ್ಷ್ ಶ್ರೀ ವಿನ್ಸೆಂಟ್ ಡಿ‌ಸೋಜಾ, ಕಾರ್ಯದರ್ಶಿ ಶ್ರೀ ನೊರ್ಬರ್ಟ್ ಮಾರ್ಟಿಸ್, ಕಥೊಲಿಕ್ ಸಭಾ‌ ಅದ್ಯಕ್ಷ್ ಎ. ರೊನಾಲ್ಡ್ ಸೆರಾವೊ, ಕ.ಸಭಾ ಕಾರ್ಯದರ್ಶಿ ಶ್ರಿ ಕ್ಲಿಪರ್ಡ್ ಡಿ ಕೋಸ್ತಾ, ಐಸಿವೈಎಮ್ ಅದ್ಯಕ್ಷ್ ವಿಯಾನ್ ಡಿ‌ಸೋಜಾ ವೇದಿರ್ ಹಾಜರ್ ಆಸ್ ಲ್ಲೆ.

ಶ್ರೀ ಕ್ಲಿಪರ್ಡ್ ಡಿ ಕೋಸ್ತಾನ್ ಧನ್ಯವಾದ್ ಪಾಟವ್ನ್, ಕಾರ್ಯೆಂ ನಿರ್ವಹಣ್ ಕು. ಈಶೆಲ್ ರೆಬೆಲ್ಲೊನ್‌ ವಲವ್ನ್ ವೆಲೆಂ.