ಸ್ತ್ರೀ ಮಂಡಳಿಚ್ಯಾ ಸಾಂದ್ಯಾನಿ 'ಕ್ರಿಸ್ಮಸ್ ದೀಸ್ ಆಚರಣ್ ಕೆಲೊ

News by Mabel D’Costa

16.12.'23 ವೆರ್ ಸನ್ವಾರಾ ಸಾಂಜೆರ್ 3.30 ವೊರಾರ್,ಕೊರ್ಪುಸ್ ಕ್ರಿಸ್ತಿ ಫಿರ್ಗಜಿಚ್ಯಾ ಸ್ತ್ರೀ ಮಂಡಳಿಚ್ಯಾ ಸಾಂದ್ಯಾನಿ 'ಕ್ರಿಸ್ಮಸ್ ದೀಸ್ ಆಚರಣ್ ಕೆಲೊ.ಙಡುಣೆಂ 25 ಜಣಾನಿಂ ಹ್ಯಾ ಸಂಭ್ರಮಾಂತ್ ಭಾಗಾ ಘೆತ್ಲೊ.ಸರ್ವ್ ಸಾಂದ್ಯಾನಿ ಕೆರೊಲ್ಸ್ ಗಾವ್ನ್ ಹೆ ಆಚರಣ್ ಅರ್ಥಭರಿತ್ ಕೆಲೆಂ.

ಆರಾಧನೆ ತಂದೆಯೇ...ಮ್ಹಳ್ಳ್ಯಾ ಕಾಂತಾರಾ ಸವೆಂ ಕಾರ್ಯಕ್ರಮ್ ಆರಂಭ್ ಜಾಲೆಂ.ಆಮ್ಚ್ಯಾ ಮೊಗಾಳ್ ವಿಗಾರ್ ಬಾಪಾಂಕ್ ಆನಿ ಸರ್ವ್ ಸಾಂದ್ಯಾಂಕ್ ಸ್ತ್ರೀ ಮಂಡಳಿಚಿ ಅಧ್ಯಕ್ಷ್ ಶ್ರೀಮತಿ ಜೆಸಿಂತಾ ಮೋನಿಸ್ ಹಿಣೆ ಸ್ವಾಗತ್ಸಿಲೆಂ.ಉಪ್ರಾಂತ್ ವಿಗಾರ್ ಬಾಪ್ ಓನಿಲ್ ಸೋಜ್ ಹಾಣಿಂ ಸರ್ವಾಂ ತರ್ಫೆನ್ ಕೇಕ್ ಕಾತರ್ಲಿ.ಸಾಂದ್ಯಾನಿಂ ಸಾಂಗಾತ್ ದಿಲೊ.ವಿಗಾರ್ ಬಾಪಾನಿಂ ಹ್ಯಾ ಕಾರ್ಯಾವಿಶಿಂ ಶಭಾಸ್ಕಿ ಉಚಾರ್ಲಿ.ಅಸಲಿಂ ಆಚರಣಾ ಆಮ್ಕಾಂ ಸಂತೊಸ್ ದಿಂವ್ಚಿಂ ಮಾತ್ರ್ ನೈಂ,ಹೆರಾಂಕೀ ಪ್ರೇರಣ್ ದಿಂವ್ಚಿಂ ತಸಲಿಂ ಮ್ಹಣ್ ತಾಣಿಂ ಸಾಂಗ್ಲೆಂ.

ಹಾಚೆ ಉಪ್ರಾಂತ್ ಸಮೇಸ್ತಾನಿಂ ಹಾಡ್ ಲ್ಲೊ ಕುಸ್ವಾರ್,ಸರ್ವಾಂನಿಂ ವಾಂಟುನ್ ಘೆತ್ಲೊ ಆನಿ ಸಂತೊಸಾನ್ ಖೆಲೊ.ಶ್ರೀಮತಿ ಜುಡಿತ್ ಫೆರ್ನಾಂಡಿಸ್ ಹಿಣೆ ಧನ್ಯವಾದ್ ಸಮರ್ಪಣ್ ಕೆಲೆಂ.ಕೇಕ್ ಆನಿ ಥಂಡ್ ಪೀವನಾಚಿ ಪ್ರಾಯೋಜಕ್ ಶ್ರೀ ಮತಿ ವಿನ್ನಿ ಮಿರಾಂದ ಜಾವ್ನಾಸ್ ಲ್ಲಿ.ಶ್ರೀಮತಿ ಮೇಬಲ್ ಡಿ'ಕೋಸ್ತ ಹಿಣೆಂ ಕಾರ್ಯ್ ನಿರ್ವಾಹಣ್ ಕೆಲೆಂ.