ಉಬ್ಬ ಮೂಡ್ ಬಿದ್ರಿಚೊ ಪಾಟಿಂ ಘರಾ ಲೊಕಾರ್ಪಣ್

ಉಬ್ಬ ಮೂಡ್ ಬಿದ್ರಿ ಹಾಚೊ ಪಯ್ಲೊ ಕಥಾ ಪುಂಜೊ `ಪಾಟಿಂ ಘರಾ' 19 ಎಪ್ರಿಲ್, ಅಲೆಲೂಯಾ ಸನ್ವರಾ ಮೂಡ್ ಬಿದ್ರಿ ಕೊರ್ಪುಸ್ ಕ್ರಿಸ್ತಿ ಇಗರ್ಜೆಂತ್ ಸಂಭ್ರಮಿಕ್ ಮಿಸಾ ಉಪ್ರಾಂತ್ ಮಾ. ಆಸ್ಟಿನ್ ಪೆರಿಸ್ ಹಾಣೆ ಲೊಕಾರ್ಪಣ್ ಕೆಲೊ. ಸಿಒಡಿಪಿ ದಿರೆಕ್ತೊರ್ ಮಾ ಒಜ್ವಾಲ್ಡ್ ಮೊಂತೆರೊ, ಮಾ. ಲ್ಯಾನ್ಸಿ ಮೆಂಡೊನ್ಸಾ, ಪರ್ಗಟ್ಣಾರ್ ವಿತೊರಿ ಕಾರ್ಕಳ್ ಆನಿ ಬರೊವ್ಪಿ ಉಬ್ಬ ಹಾಜರ್ ಆಸುಲ್ಲೆ.

ಉಪ್ರಾಂತ್ 22 ತಾರಿಕೆರ್ ಮೂಡ್ ಬಿದ್ರಿ ಇಗರ್ಜೆ ಸಾಲಾಂತ್ ಚಲ್ ಲ್ಲ್ಯಾ ಎಕಾ ಕಾರ್ಯಾವೆಳಿಂ ರಾಕ್ಣೊ ಚೊ ಆದ್ಲೊ ಸಂಪಾದಕ್ ಮಾ. ಮಾರ್ಕ್ ವಾಲ್ಡರ್ ಹಾಣೆ ಪುಸ್ತಕಾಂತ್ಲ್ಯಾ ಕಾಣಿಯಾಂವಿಶಿಂ ಉಲಯ್ಲೊ. ಸಿಜ್ಯೆಸ್ ತಾಕೊಡೆನ್ ಉಬ್ಬಾವಿಶಿಂ ಆನಿ ತಾಣೆಂ ಸಾಹಿತ್ಯಾಂತ್ ಕೆಲ್ಲ್ಯಾ ವಾವ್ರಾವಿಶಿಂ ಝಳಕ್ ದಿಲಿ. ಆಪ್ಲಿಂ ಭೊಗ್ಣಾಂ ಉಚಾರ್ ಲ್ಲ್ಯಾ ಉಬ್ಬಾನ್ ಆಪ್ಲ್ಯಾ ಆವಯ್ನ್ ದಿಲ್ಲ್ಯಾ ಪ್ರೇರಣಾವಿಶಿಂ ಸಾಂಗ್ಲೆಂ. ಆಪುಣ್ ಪರತ್ ಪಾಟಿಂ ಘರಾಂ ಆಯಿಲ್ಲೊ ಅನ್ಬೋಗ್ ಜೊಡುನ್ ಆಸಾಂ ಮ್ಹಣ್ ಯಿ ತಾಣೆಂ ಕಳಯ್ಲೆಂ.

ಮಾ. ವಿ.ಜೆ. ಮಿನೇಜ್, ಡೊಲ್ಫಿ ಕಾಸ್ಸಿಯಾ, ರೇಮಂಡ್ ಡಿಕುನ್ಹಾ ಆನಿ ಹೆರ್ ಹೆ ವೆಳಿಂ ಹಾಝರ್ ಆಸುಲ್ಲೆ.

ಸೃಜನಾ ಪ್ರಕಾಶನಾಚೆಂ ಹೆಂ ಚವ್ತೆಂ ಪುಸ್ತಕ್.

ತಸ್ವೀರ್ ಕುರ್ಪಾ: ಆಕೃತಿ ಸ್ಟುಡಿಯೊ, ಮೂಡ್ ಬಿದ್ರಿ