ಕಥೊಲಿಕ್ ಸಭಾ ಘಟಕಾಚ್ಯಾ ಮುಖೇಲ್ಪಣಾಖಾಲ್ ಭಾಷಣ್ ಸ್ಪರ್ಧೊ ಮಾಂಡುನ್ ಹಾಡ್ಲೊ

ವರ್ಧಿ : ಎ. ರೊನಾಲ್ಡ್ ಸೆರಾವೊ
ತಸ್ವೀರ್ : ಗ್ಲ್ಯಾಡ್ವಿನ್ ಲಸ್ರಾದೊ

ತಾ. 17.11.2024 ವೆರ್ ದನ್ಪಾರಾಂ 2:30 ವರಾರ್ ಕಥೊಲಿಕ್ ಸಭಾ ಘಟಕಾಚ್ಯಾ ಮುಖೇಲ್ಪಣಾಖಾಲ್, ಕೊರ್ಪುಸ್ ಕ್ರಿಸ್ತಿ ಇಗರ್ಜೆ ಸಭಾ ಸಾಲಾಂತ್ ಭಾಷಣ್ ಸ್ಪರ್ಧೊ ಮಾಂಡುನ್ ಹಾಡ್ಲೊ. ಪಿರ್ಗಜೆಂತ್ಲ್ಯಾ 35 ಭುರ್ಗ್ಯಾನಿಂ ಹ್ಯಾ ಭಾಷಣ್ ಸ್ಪರ್ದ್ಯಾಚ್ಯಾ 5 ವಿಭಾಗಾನಿಂ ಭಾಗ್ ಘೆತ್ ಲ್ಲೊ. ಭಾಷಣ್ ಸ್ಪರ್ಧ್ಯಾಕ್ ವರಯ್ಣಾರ್ ಜಾವುನ್, ಮಾನೇಸ್ತೀಣ್ ಲವೀನಾ ಸಬಿತಾ ರೊಡ್ರಿಗೆಸ್ ತಾಕೊಡೆ ಅನಿಂ ಮಾನೇಸ್ತ್ ಲೋಯ್ಡ್ ರೇಗೊ ಹಾಜರ್ ಆಸ್ ಲ್ಲೆ.

ಸ್ಪರ್ದೊ ಸಂಪ್ತಚ್ ಸಮಾರೋಪ್ ವೇದಿ ಕಾರ್ಯೆಂ ಮಾಂಡುನ್ ಹಾಡ್ಲೆಂ. ಕಥೊಲಿಕ್ ಸಭಾ ಘಟಕ್ ಅದ್ಯಕ್ಷ್ ಮಾನೇಸ್ತ್ ಎ. ರೊನಾಲ್ಡ್ ಸೆರಾವೊ ಹಾಣಿಂ ಸ್ವಾಗತ್ ಕರುನ್, ಉಪ್ರಾಂತ್ ಸಂಚಾಲಕ್ ಮಾನೇಸ್ತ್ ಕ್ಲಿಪ್ಪರ್ಡ್ ಡಿ ಕೋಸ್ತಾನ್ ವಿಜೇತ್ ಜಾಲೆಲ್ಯಾ ಭುರ್ಗ್ಯಾಂಚಿಂ ನಾಂವಾಂ ವಾಚ್ಲಿಂ. ವಿಜೇತಾಂಕ್ ಪಿರ್ಗಜ್ ವಿಗಾರ್ ಬೊ|ಮಾ|ಬಾ|ಒನಿಲ್ ಡಿ ಸೋಜಾ ಹಾಣಿಂ ಬಹುಮಾನ್ ವಿತರಣ್ ಕೆಲೆಂ. ತಶೆಂಚ್ ಭಾಗ್ ಘೆತ್ಲೆಲ್ಯಾ ಸರ್ವ್ ಸ್ಪರ್ಧಿಕಾಂಕ್ ಸಮಾಧಾನಾಕರ್ ಬಹುಮಾನ್ ವಿತರಣ್ ಕೆಲೆಂ. ಉಪ್ರಾಂತ್ ತಾಂಚ್ಯಾ ಸಂದೇಶಾಂತ್ ಭಾಷಣ್ ಸ್ಪರ್ಧ್ಯಾಚೊ ಮಹತ್ವ್ ತಿಳ್ಸಿಲೊ. ವೇದಿರ್ ಕಥೊಲಿಕ್ ಸಭಾ ವಾರಾಡೊ ಅದ್ಯಕ್ಷ್ ಮಾನೇಸ್ತ್ ಅಲ್ವಿನ್ ರೊಡ್ರಿಗೆಸ್, ನಿಕಟ್ ಪೂರ್ವ್ ಅದ್ಯಕ್ಷ್ ಮಾನೇಸ್ತ್ ಹೆರಿ ರೇಗೊ ಹಾಜರ್ ಆಸ್ ಲ್ಲೆ. ಮಾನೇಸ್ತೀಣ್ ಪಾವ್ಲಿನ್ ಲಸ್ರಾದೊ ಹಾಣಿಂ ದನ್ಯವಾದ್ ಪಾಟವ್ನ್ ನಿಮಾಣ್ಯಾ ಗೀತಾ ಸವೆಂ ಕಾರ್ಯಕ್ರಮ್ ಸಂಪಯ್ಲೆಂ. ಮಾನೇಸ್ತೀಣ್ ಶಾಂತಿ ಮೆಂಡೋನ್ಸಾನ್ ಕಾರ್ಯೆಂ ನಿರ್ವಹಣ್ ಕೆಲೆಂ.