ಪ್ರಾಯ್ವಂತಾಚೊ ದೀಸ್ ಆಚರಣ್

ವರ್ಧಿ ಅನಿ ತಸ್ವೀರ್: ಶ್ರೀ ಜೋನ್ ಮೀನೇಜಸ್

ಸೀನಿಯರ್ ಸಿಟಿಜನ್ಸ್ ಕ್ಲಬ್ಬಚ್ಯಾ ಸಾಂದ್ಯಾಂನಿಂ ಆಯ್ತಾರಾ ಅಕ್ಟೋಬರ್ 20 ತಾರ್ಕೆರ್ ಸಕಾಳಿಂ  ವರಾಂಚಾ ಮಿಸಾಚಿ ಲಿತುರ್ಜಿ ಚಲೊನ್ ವೆಲಿ. ಉಪ್ರಾಂತ್ ಇಗರ್ಜೆಚ್ಯಾ ಮೈನ್ ಹೊಲಾಂತ್ "ಪ್ರಾಯ್ವಂತಾಚ್ಯಾ ದಿಸಾಚೆಂ" ಕಾರ್ಯೆಂ ಮಾಂಡುನ್ ಹಾಡ್ಲೆಂ. ಕಾರ್ಯಾಕ್ ಸುಮಾರ್ 100 ಜಣಾಂ ಹಾಜರ್ ಆಸ್ಲಿಂ.9.00 ವರಾರ್ ಬ್ರೆಕ್ಫ಼ಾಸ್ಟ್, ಉಪ್ರಾಂತ್ ಕುಮ್ಸಾರಾಂ ಆನಿ 10.30 ವರಾಂಚೆರ್ ಮೀಸ್.  ಮಾ| ಬಾಫ್ ಫ್ರೆಡ್ಡಿನ್ ಮಿಸಾಚೆಂ ಬಲಿದಾನ್ ಭೆಟಯ್ಲೆಂ. ಮಿಸಾ ಉಪ್ರಾಂತ್ ಮಾನೆಸ್ತ್  ಅಲೆಕ್ಷಾಂಡರ್ ಸಿಕ್ವೇರಾನ್ ಕಾರ್ಯನಿರ್ದೇಶಕ್ ಜಾವ್ನ್ ಕಾರ್ಯೆಂ ಚಲವ್ನ್ ವೆಲೆಂ, ಅಧ್ಯಕ್ಷ್ ಜೋನ್ ಮಿನೆಜಸಾನ್ ಸರ್ವಾಂಕ್ ಸ್ವಾಗತ್ ಕೆಲೊ. ಮುಖೆಲ್ ಸೈರೊ ಬಾಪ್ ದೀಪಕ್ ನೊರೊನಾ ಆನಿ ಬಾಪ್ ಫ್ರೆಡ್ಡಿಕ್ ಫುಲಾಂ ತುರೊ ದೀವ್ನ್ ಮಾನ್ ಕೆಲೊ. ಉಪಾಧ್ಯಕ್ಷ್ ವಿನ್ಸೆಂಟ್ ಡಿಸೋಜಾ, ಕಾರ್ಯದರ್ಶಿ ನೊರ್ಬರ್ಟ್ ಮಾರ್ಟಿಸ್ ಆನಿ ಸಂಯೋಜಕಿ ಸೆಲಿನ್ ಡಿಸೋಜಾಕ್ ಮಾನಾನ್ ಸ್ವಾಗತ್ ಕೆಲೊ. ಉಪ್ರಾಂತ್ ಮನೊರಂಜನ್ ಕಾರ್ಯೆಂ -  ಪದಾಂ, ಜೋಕ್ಸ್ ಆನಿ ಖೆಳ್ ಚಲವ್ನ್ ವೆಲೆ. ಬಾಪ್ ದೀಪಕ್ ನೊರೊನಾನ್ ಬೊರೊ ಸಂದೇಶ್ ದಿಲೊ. ವಿಜೇತ್ ಜಾಲ್ಲ್ಯಾಂಕ್ ಬಹುಮಾನಾಂ ವಾಂಟ್ಲಿಂ. ಸರ್ವಾಂಕ್ ಪೀವನ್ ವಾಂಟ್ಲೆಂ ಆನಿ ಜೆವಾಣ್ ದಿಲೆಂ. ಸರ್ವಾಂ ದಾದೊಶಿ ಜೆವ್ನ್, ವೊರ್ನ್ ಖಾವ್ನ್ ಸಂತೋಸ್ ಪಾವ್ಲಿಂ.