ಕ್ರಿಸ್ಮಸ್ ಸೌಹಾರ್ದ ಸಂಗಮ ಕಾರ್ಯಕ್ರಮ್

by John Menezes

ಅಂತರ್ ಧರ್ಮೀಯ್ ಆನಿ ಸ್ಥಳಾಂತರ್ ಸಮಿತಿಚಾ ಅಯೋಗಾನ್ ಅಯ್ತಾರಾ  ದಸೆಂಬರ್ 18  ತಾರ್ಕೆರ್ ಸಾಂಜೆರ್ 5.00 ವರಾರ್ ಕ್ರಿಸ್ಮಸ್ ಸೌಹಾರ್ದ ಸಂಗಮ ಕಾರ್ಯಕ್ರಮ್ ಕೊರ್ಪುಸ್ ಕ್ರಿಸ್ತಿ ಇಗರ್ಜೆಚ್ಯಾ ಹೊಲಾಂತ್ ಚಲೊನ್ ವೆಲೆಂ. ಇಗರ್ಜೆಚ್ಯಾ ತೆರಾ ವಾಡ್ಯಾಂಚೆ ಸಾಂದೆ ಆನಿ ಆಮಂತ್ರಿತ್ ಕೆಲ್ಲೆ ಸೈರೆ .. ಅಸೆಂ ಕಾರ್ಯಾಕ್ ಶೆಂಬೊರಾಂ ವಯ್ರ್ ಲೋಕ್ ಹಾಜರ್ ಆಸ್ ಲ್ಲೊ. ಕಾರ್ಯಾಕ್ರಮಾ ಪಯ್ಲೆಂ ಸರ್ವಾಂಕ್ ಫಲಾಹಾರ್ ಆನಿ ಪೀವನ್ ದಿಲೆಂ. ಫಿರ್ಗಜ್ ವಿಗಾರ್ ಬೊ|ಮಾ| ಒನಿಲ್ ಸೋಜ್ ಅಧ್ಯಕ್ಷ್ ಜಾವ್ನ್, ಮಾಲಾನಾ ಅಬುಸುಫ್ಯಾನ್ ಮದನಿ ಆನಿ ಶ್ರೀ ವೇಣುಗೊಪಾಲ್ ಶೆಟ್ಟಿ ಮುಖೆಲ್ ಸೈರೆ ಜಾವ್ನ್ ಉಪಾಧ್ಯಕ್ಷ್, ಕಾರ್ಯದರ್ಶಿ, 21 ಅಯೋಗಾಚಿ ಸಂಯೋಜಕಿ, ಆನಿ ದೊನೀ ಆಯೋಗಾಚೆ ಸಂಚಾಲಕ್ ಮೆಳೊನ್ ವೆದಿ ಸೊಬಯ್ಲಿ.

ಅಂತರ್ ಧರ್ಮೀಯ್ ಅಯೋಗಾಚೊ ಸಂಚಾಲಕ್ ಶ್ರೀಮಾನ್ ಜೊಸ್ಸಿ ಮಿನೇಜಸಾನ್ ಸರ್ವಾಂಕ್ ಸ್ವಾಗತ್ ಕೆಲೊ. ಮುಖೆಲ್ ಸೈರ್ಯಾಂನಿ ಆನಿ ಅಧ್ಯಕ್ಷಾನ್ ತಾಂಚೊ ನತಾಲಾಂಚೊ ಸಂದೇಶ್ ದಿಲೊ. ಶ್ರೀಮತಿ ಸಿಲ್ವಿಯಾ ಮಸ್ಕರೆನಸಾನ್ ಧನ್ಯವಾದ್ ಪಾಟಯ್ಲೆ. ಮಾನೆಸ್ತ್ ರೊನಾಲ್ಡ್ ಡಿಸೋಜಾನ್ ಕಾರ್ಯನಿರ್ವಾಹಕ್ ಜಾವ್ನ್ ಕಾರ್ಯೆಂ ಬೊರೆಂ ಕರ್ನ್ ಚಲೊನ್ ವೆಲೆಂ. ಮುಖೆಲ್ ಸೈರ್ಯಾಂಕ್ ಸ್ಮರಣೀಕ್ ಆನಿ ಅಯಿಲ್ಲ್ಯಾ ಸರ್ವ್ ಅನ್ಯ ಧರ್ಮಚ್ಯಾ ಸೈರ್ಯಾಂಕ್ ಕುಸ್ವಾರ್ ಕಾಣಿಕ್ ದೀವ್ನ್ ಕಾರ್ಯೆಂ ಸಂಪಯ್ಲೆಂ.

ಆಮಿ ಖಂಯ್ಚಾ ಧರ್ಮಾಚೆ ಜಾಲ್ಯಾರಿ ಎಕಾ ಕುಟ್ಮಾ ಬರಿಂ ಭಾವ್ ಬಾಂಧವ್ಪಣಾನ್ ಜಿಯೆತಾಂವ್ ಮ್ಹಳ್ಳ್ಯಾಕ್ ರುಜ್ವಾತ್ ದಿಲಿ ಆನಿ ನತಾಲಾಂ ಫೆಸ್ತಾಚೊ ಸಮಾಧಾನೆಚೊ ಸಂದೇಶ್ ದಿಲೊ.